Arabako Gazte Abesbatza (AGA) Arabako abesbatza gaztea da, 16 eta 28 urte bitarteko neska-mutilek osatua. 2024an sortu zen Arabako gazteei kantu koralaren inguruan elkargune bat eskaintzeko helburuarekin, musikaz gozatzeko, artistikoki garatzeko eta sormen-prozesu kolektibo batean parte hartzeko aukera emanez.

Kontzertu honek kanpoko pultsutik barruko pultsurako bidaia proposatzen du: hasieran, ahotsa arlo komunitarioan sortzen da, hizkuntzaren erritmoan eta tradizioaren oihartzunean; pixkanaka, irrikak, maitasunak eta otoitzak espazio intimoagoa irekitzen dute, non entzutea eta isiltasuna ezinbesteko bihurtzen diren. Bide horretan umorerako eta jolaserako lekua ere badago, abestea ospatzea eta irudikatzea delako oroitzapen gisa, gauak eta kontenplazioak soinua "biluztu" baino lehen. Amaiera aldera, gorputza indartsu itzultzen da (dantza, makilak, oroimena eta aldarrikapena) eta kontzertua azken indar kolektibo batean altxatzen da; baina azken akordearen ondoren geratzen den isiltasunak ixten du zirkulua, gogoraraziz isiltasuna ez dela etenaldi huts bat, musikaren zati bat baizik.

.